മോഹന്‍ലാലിന്‍റെ ആരാധകരായ മൂന്നു ചെറുപ്പക്കാരെക്കുറിച്ചുള്ള കഥ പറയുന്ന ചിത്രമാണ് ബ്ലാങ്ക് ചെക്ക്. റോഷന്‍, വിഷ്ണു, ടോമിന്‍ എന്നീ പുതുമുഖങ്ങള്‍ ഈ വേഷങ്ങളവതരിപ്പിക്കുന്നു. പ്ലസ് ടൂ എന്ന ചിത്രം സംവിധാനം ചെയ്ത ഷെബിയും സുഹൃത്തുക്കളും ചേര്‍ന്ന് ചാവക്കാട് ടാക്കീസിന്റെ ബാനറിലാണ് ചിത്രമൊരുക്കുന്നത്. സംവിധാനം നവാഗതനായ ബാബുരത്നം.
ഈ ചിത്രത്തിനുപുറമേ ഷെബി തന്നെ സംവിധാനം ചെയ്യുന്ന ഒരു ചിത്രം കൂടി ചാവക്കാട് ടോക്കീസ് നിര്‍മിക്കുന്നുണ്ട്. ആ ചിത്രത്തിനു തിരക്കഥയെഴുതുന്നത് സച്ചി സേതുവിലെ സേതുവാണ്. ഇപ്പോള്‍ ഷൂട്ടിംഗ് നടക്കുന്ന മല്ലു സിംഗിന്റെ തിരക്കും അടുത്ത ചിത്രമായ വീട്ടച്ഛന്റെ എഴുത്തും കഴിഞ്ഞാല്‍ സേതു തിരക്കഥയൊരുക്കുന്നത് ഷെബിക്കുവേണ്ടിയായിരിക്കും.
